Khua git gai pơ ala mơnuih ƀon sang dêh čar ơi Vương Đình Huệ bơni kơ Ping gah, Kơnuk kơna Cuba hơmâo kơdrưh kơ-ang jing tuai mơng dêh čar tač rơngiao blung a hơmâo pơhiăp ƀơi anăp khua mua pơ ala mơnuih ƀon sang Cuba, tơdơi kơ Khua git gai pơ ala mơnuih ƀon sang dêh čar Cuba tal 10 ruah khua mua phrâo mơng Kơnuk kơna Cuba rơwang thun 2023-2028. Khua git gai pơ ala mơnuih ƀon sang dêh čar lăi, truh ră anai găn rơgao lu tơlơi tơnap tap, tơlơi kŏm tơnap tap, ayuh hyiăng ƀu lăp, klin kheng, dêh čar Cuba ăt hơmâo ngă lu bruă dưi, ba glăi boh than amăng bruă “pơplih hơbô̆ bruă bơwih ƀong”.

Ƀơi rŏng lŏn tơnah hơmâo lu tơlơi bơkơtưn phara, tơlơi anun khŏm kiăng dua boh dêh čar khŏm gum pơgôp, ngă hrŏm kơjăp, djă bong hnong tơlơi pơmin rơngai, ngă mă pô, ngă hrŏm dưm kơnar. Kiăo tui pran jua hrăm nao rai tơdruă, Khua git gai pơ ala mơnuih ƀon sang ơi Vương Đình Huệ hơmâo lăi nao 6 mơta tơlơi phun kơ pơplih phrâo, pơđĭ hloh dong anŏ klă, anŏ tŭ yua mơng mơng Ƀirô khua pơ ala mơnuih ƀon sang Việt Nam rơnuk anai. Pơđut mông jơnum abih bang yôm phara hơmâo tơlơi adoh “Như có Bác Hồ trong ngày vui đại thắng” yua ƀing čơđai sang hră mơng Cuba adoh.