VOv4.Jarai - Tlam mơmot lơ 22/3, ƀơi sang bruă khua git gai pơ ala mơnuih ƀon sang, Khua git gai pơ ala mơnuih ƀon sang dêh čar ơi Vương Đình Huệ tŭ jum yă Manuela Ferro, Kơ-iăng khua sang bruă prăk rŏng lŏn tơnah (WB) gơgrong bruă kual Đông Á - Thái Bình Dương ƀrô hrơi ñu hơmâo rai mă bruă pơ Việt Nam mơng lơ 17 truh lơ 24/3/2022. Ơi Vương Đình Huệ lăi, ră anai Việt Nam glăk iâu pơthưr prăk pioh pơđĭ kyar. Ƀirô khua git gai pơ ala mơnuih ƀon sang Việt Nam čang rơmang WB djru ba Việt Nam pơplih phrâo prăk kăk hăng prăk dong hnưh tui hơdră hơđong kơjăp, iâu pơthưr prăk brơi čan mă kơmlai ƀiă hăng gêh gal kơ bruă pơđĭ kyar. Anai jing tơlơi kiăng ngă hlâo mơng Việt Nam. Yă Manuela Ferro lăng yôm tơlơi pơčeh phrâo hăng tơlơi apăn bruă mơng Ƀirô khua git gai pơ ala mơnuih ƀon sang Việt Nam amăng bruă jơnum Bơkơtuai tui tơđar đah mơng hơmâo hơdră djru, tơlơi phiăn pơtrut đĭ pơđĭ kyar lŏn ia laih anun pơsit, WB amra pơkiăo nao ƀing kơhnâo gum bruă amăng mông jơnum anai; WB dong yua tơlơi wai lăng mơng Ƀirô khua git gai pơ ala mơnuih ƀon sang, biă ñu lĕ wai lăng prăk kơnuk kơna.

Siu H’Mai: Pơblang