VOV4.Jarai - Hmư̆ tui tơlơi jak iâu mơng Khua git gai wai lăng pơ ala mơnuih ƀôn sang dêh čar ta ơi Vương Đình Huệ, Khua git gai wai lăng pơ ala mƀs gơnong yŭ dêh čar India Om Birla ba jơlan hlâo Grŭp khua pơ ala Khul pơ ala mơnuih ƀôn sang dêh čar India rai čuă dêh čar Việt Nam mơng hrơi anai, lơ 19 truh lơ 21/4.

 Tal rai čuă anai mơng Khua pơ ala mơnuih ƀôn sang gơnong yŭ dêh čar India djru kơjăp tui bruă gum hrom abih bang kơplah wah dua bôh dêh čar, kơtưn tơlơi rô nao rai gum hrom hăng Khua pơ ala mơnuih ƀôn sang Việt Nam; tô tui truh kih tal nao čuă India thun 2021 mơng Khua git gai wai lăng pơ ala mơnuih ƀôn sang dêh čar ta ơi Vương Đình Huệ; bưp hăng mơnuih India glăk dô̆ hơdip mơda, bơwih ƀong sĭ mơdrô hăng tuh pơplai ƀơi Việt Nam. Tal rai čuă Việt Nam mơng Khua git gai wai lăng pơ ala mƀs gơnong yŭ dêh čar India anai amra jing tơlơi lăi nao yôm kơ tơlơi rô nao rai gum hrom abih bang Việt Nam hăng India amăng mông dua bôh dêh čar glăk hơdor glăi 50 thun hrơi pơdŏng bruă pơtom hiăp amăng thun 2022./.

Siu H’ Prăk: Pơblang