VOV4.Jarai - Gah yŭ tơlơi git gai mơng Khua git gai wai lăng pơ ala mơnuih ƀôn sang dêh čar ta ơi Vương Đình Huệ, mơguah lơ 7/9, Jơnum khua pơ ala mơnuih ƀôn sang tui akô̆ bruă hmâo pok pơhai kiăng bơkơtuai, gum pơhiăp kơ 06 rơwang bruă tơlơi phiăn, 1 hră čih pơkra tơlơi pơtrun pơsit lăi pơthâo kơ Khua pơ ala mơnuih ƀôn sang hluai tui kơ Tal jơnum lok 4 pơ̆ anăp.

Pơhiăp amăng mông pok phun, Khua git gai wai lăng pơ ala mơnuih ƀôn sang dêh čar ta ơi Vương Đình Huệ, brơi thâo, mơng akô̆ rơwang bruă truh ră anai, Khua pơ ala mơnuih ƀôn sang tal 15 hmâo pơphun truh kih 4 tal jơnum, mă yua 8 tơlơi phiăn, gum pơhiăp kơ 07 rơwang bruă tơlơi phiăn pơkon, mă yua 62 tơlơi pơtrun pơsit hăng tơlơi tŭ ư hrom, djơ̆ pran hrom prong.

Tal jơnum lok 4 pơ̆ anăp mơng Khua pơ ala mơnuih ƀôn sang hmâo lu bruă mă pơkă tơlơi phiăn yôm phăn. Hơdôm rơwang bruă, hră čih pơkra pơmin či lăi pơthâo kơ Khua pơ ala mơnuih ƀôn sang pel ĕp dưi hmâo Jơnum min apăn bruă Khua pơ ala mơnuih ƀôn sang, Gong gai dêh čar črâo ba pơphun bơkơtuai, mă tơlơi gum pơhiăp rơgao lu dar, amăng lu mông jơnum, bơkơtuai gum lăi pơthâo, Jơnum min apăn bruă khua pơ ala mơnuih ƀôn sang ăt hmâo gum pơhiăp tŏng ten mơn hơdôm tơlơi prong dô̆ hmâo tơlơi gum pơhiăp pha ra amăng mông jơnum tui akô̆ bruă pơdŏng tơlơi phiăn blung a mơng Jơnum min apăn bruă Khua pơ ala mơnuih ƀôn sang./.

Siu H’ Prăk: Pơblang