VOV4.Jarai - Čơtlăm lơ 24/7, ƀơi Hà Nội, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo nao pơhmư̆ Jơnum lăi pơthâo Tơlơi pơsit mơng Ding jum kơđi čar hăng Tơlơi pơtrun pơsit mơng Jơnum min apăn bruă Khua pơ ala mơnuih ƀôn sang kơ bruă mơnuih apăn bruă. Amăng mông jơnum, Kơ-iăng Khua grŭp pơphun bruă ruah mơnuih apăn bruă mơng Ping gah, Khua Grŭp hyu mă bruă khua pơ ala Nguyễn Thị Thanh lăi pơthâo Tơlơi pơsit mơng Ding jum kơđi čar kơ bruă pơpha bruă ơi Ngô Văn Tuấn pơdơi gum hrom Grŭp mă bruă Ping gah, Grŭp apăn bruă, pơdơi ngă Khua git gai Ping gah tơring čar Hòa Bình, Khua grŭp Khua pơ ala mơnuih ƀôn sang dêh čar ta tơring čar Hòa Bình pioh nao ngă Khua mă bruă Ping gah pel ĕp prăk mă yua mơng Kơnuk kơna; Tơlơi pơtrun pơsit mơng Jơnum min apăn bruă Khua pơ ala mơnuih ƀôn sang ruah ơi Ngô Văn Tuấn ngă Kơ-iăng Khua pel ĕp prăk mă yua mơng Kơnuk kơna, pơpha gơgrong bruă Pel ĕp prăk mă yua mơng Kơnuk kơna. Pơhiăp amăng mông jơnum, Khua git gai wai lăng pơ ala mơnuih ƀôn sang dêh čar ta ơi Vương Đình Huệ rơkâo ơi Ngô Văn Tuấn thâo tañ tơlơi mơng gơnong bruă, gum hrom khul mă bruă Ping gah, Khul Ping gah, Khua git gai pel ĕp prăk mă yua mơng Kơnuk kơna pơphun ngă tui hơdôm bruă apăn, bruă mă hmâo jao./.

Siu H’ Prăk: Pơblang