VOV4.Jarai - Čơtlăm lơ 29/8, ƀơi Sang mă bruă Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar ơi Vương Đình Huệ nao pơhmư̆ mông ngă Lơphet ƀơk Miđai 40 thun Ping gah. Amăng mông ngă Lơphet, Khua git gai wai lăng pơ ala mơnuih ƀôn sang dêh čar ơi Vương Đình Huệ hmâo ƀơk laih Miđai 40 thun Ping gah kơ Kơ-iăng Khua git gai wai lăng pơ ala mơnuih ƀôn sang dêh čar ơi Trần Thanh Mẫn, Kơ-iăng Khua git gai wai lăng pơ ala mơnuih ƀôn sang dêh čar ơi Trần Quang Phương.

Khua git gai wai lăng pơ ala mơnuih ƀôn sang dêh čar ơi Vương Đình Huệ ƀơk Miđai 40 thun Ping gah

Pơhiăp hơ-ư̆č hmưi 2 Kơ-iăng Khua ư-ang dưi tŭ mă Miđai 40 thun Ping gah. Khua git gai wai lăng pơ ala mơnuih ƀôn sang dêh čar ơi Vương Đình Huệ pơsit, bruă ƀơk miđai yôm phăn mơng Ping gah lĕ kiăng djă pioh hơdôm bôh than, pran tuh rơyuh prong prin mơ̆ 2 gơñu hmâo gum hơgôp kơ bruă hơkrŭ mơng Ping gah, mơng djuai ania. Anai ƀu djơ̆ kơnong kơ tơlơi ư-ang mơng drơi pô Kơ-iăng Khua ôh mơ̆, ñu dô̆ jing tơlơi ư-ang hrom hăng hơdôm khul grŭp ping gah hăng Ping gah mơng ƀirô Khua pơ ala mơnuih ƀôn sang dêh čar./.

Siu H’ Prăk: Pơblang