VOV4.Jarai - Čơtlăm 2/8, ƀơi Sang mă bruă Khua pơ ala mơnuih ƀôn sang dêh čar, Khua git gai wai lăng pơ ala mơnuih ƀôn sang dêh čar ơi Vương Đình Huệ hmâo tŭ jum Khua Jơnum min bruă mă đơ đam rŏng lŏn tơnah Grŭp prăk kak Hana Hàn Quốc Kim Jung Tai. Khua git gai wai lăng pơ ala mơnuih ƀôn sang dêh čar ơi Vương Đình Huệ bơni tơlơi pơsit mơng Hana amăng kĭ pơkôl tuh pơplai 35% mrô prăk mă yua mơng BSC (Ngă tui bruă tuh pơplai prăk yua kơ Sang bruă sĭ hră prăk BIDV); lăi lĕ, anai tơlơi pơsit hmâo bruă mă sui thun, tơlơi anai pơdah tơlơi đăo gơnang mơng ƀing tuh pơplai mơng dêh čar tač rơngiao lăi hrom ăt kah hăng tơlơi čang rơmang bơwih ƀong mơng Việt Nam. Ơi Vương Đình Huệ pơsit Khua pơ ala mơnuih ƀôn sang dêh čar Việt Nam amra hmư̆ tui kiăng ngă giong glông bruă tơlơi phiăn, hơdră bruă, hơdră pơkă, ngă gal brơi klă hloh kơ djop mơta bruă bơwih ƀong, mơnuih tuh pơplai, amăng anun hmâo ƀing tuh pơplai mơng Hàn Quốc jai hrơi jai pơhư prong tuh pơplai, sĭ mơdrô truh kih ƀơi Việt Nam./.

Siu H’ Prăk: Pơblang