Tơdơi kơ mông ngă lơphet čơkă, Khua git gai wai lăng pơ ala mơnuih ƀôn sang dêh čar ơi Vương Đình Huệ hmâo bơkơtuai laih hăng Khua git gai wai lăng pơ ala mơnuih ƀôn sang gơnong dlông dêh čar Prang. Tal rai čuă anai lĕ gru pơđom pioh kiăng dua bơnah ngă dơlăm, pơhlôm akô̆ tlôn hăng ba glăi bôh tơhnal hloh dong, tơlơi rô nao rai mơng dua bôh dêh čar.

Amăng mông bơkơtuai, dua gơñu lăi lĕ, amăng tơlơi kah hăng ră anai, dua bơnah amra kơtưn hloh dong amăng hơdôm bruă kah hăng pơđĭ kyar kơjăp, apui yua, bruă ia jrao, hơdôm kơsem min, lăi pơthâo tơlơi găn rơgao amăng bruă pơjing phiăn. Ơi Vương Đình Huệ rơkâo dua bơnah pơtrut gum hrom pơgang lŏn ia – rơnuk rơnua plơi pla; pok pơhai ba glăi bôh tơhnal hơdôm tơlơi pơkôl gum hrom juăt bruă hmâo kĭ: pơtrut dong hơdôm bôh yôm, bruă phrâo kah hăng gum hrom lăi pơthâo nao rai hăng pơgang tơlơi pơhing hơgom, kơsem min tơlơi ruă ƀơi kual ayuh hyiăng pơ-iă...

Tơdơi kơ bơkơtuai mơtăm, Khua git gai wai lăng pơ ala mơnuih ƀôn sang dêh čar ơi Vương Đình Huệ hăng Khua git gai wai lăng pơ ala mơnuih ƀôn sang gơnong dlông dêh čar Prang hmâo git gai hrom mông ngă lơphet pok phun hơdôm bruă jơnum hơdor glăi 50 thun pơdŏng bruă pơtôm hiăp./.