VOV4.Jarai - Čơtlăm mơmot lơ 24/3, ƀơi Sang mă bruă Khua pơ ala mơnuih ƀôn sang dêh čar ta, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo git gai mông mă bruă mơng Grŭp Ping gah Khua pơ ala mơnuih ƀôn sang dêh čar hăng Grŭp apăn bruă Ping gah Kông ang dêh čar ta kơ sa dua bôh yôm phun, bôh yôm dô̆ hmâo lu tơlơi gum pơhiăp akă djơ̆ hrom kơ hơdôm rơwang bruă Tơlơi phiăn, hră čih pơkra Tơlơi pơtrun pơsit mơng Khua pơ ala mơnuih ƀôn sang yua kơ Ding jum Kông ang git gai čih pơkra, lăi pơthâo kơ Khua pơ ala mơnuih ƀôn sang dêh čar ta amăng tal jơnum lok 3, Khua pơ ala mơnuih ƀôn sang dêh čar ta tal 15; bôh tơhnal ngă tui hơdôm Tơlơi pơtrun pơsit mơng Khua pơ ala mơnuih ƀôn sang, Tơlơi pơkă gum hrom kơplah wah Ding jum kông ang hăng Khul djuai ania, hơdôm Jơnum min mơng Khua pơ ala mơnuih ƀôn sang; sa dua mơta tơlơi ba tơbiă hăng Grŭp Ping gah khua pơ ala mơnuih ƀôn sang, Jơnum min apăn bruă Khua pơ ala mơnuih ƀôn sang amăng bruă pơphô brơi, pơdŏng tơlơi phiăn mơng Ding jum Kông ang, biă ñu amăng bruă pơdŏng hơdôm tơlơi pơkă bơdjơ̆ nao bruă rơnuk rơnua, pơgang lŏn ia. Pơhiăp amăng mông mă bruă, Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit bruă mă klă mơng kông ang hăng bruă mă mơng Khua pơ ala mơnuih ƀôn sang; lăi lĕ, dua bơnah khom kơtưn gum hrom lăi pơhing nao rai, kiăng djru hơdôm bruă mă mơng Khua pơ ala mơnuih ƀôn sang amăng bruă pơdŏng tơlơi phiăn, lăng tui, pơsit hơdôm tơlơi yôm phăn mơng lŏn ia hăng bruă pơtom hiăp./.

Siu H’ Prăk: Pơblang