Mơguah lơ 14/6, ƀơi Sang mă bruă Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hăng Kơ-iăng Khua git gai wai lăng pơ ala mơnuih ƀôn sang dêh čar ơi Trần Thanh Mẫn gum hrom git gai mông mă bruă mơng Khua git gai wai lăng pơ ala mơnuih ƀôn sang hăng Grŭp lăng tui mơng Jơnum min apăn bruă Khua pơ ala mơnuih ƀôn sang kơ “Bruă ngă tui Tơlơi pơtrun pơsit mrô 88 hăng Tơlơi pơtrun pơsit mrô 51 mơng Khua pơ ala mơnuih ƀôn sang kơ pơplih phrâo jơlan hơdră, hơdrôm hră hrăm kơ čơđai sang hră”.

Pơhiăp amăng mông jơnum, Khua git gai wai lăng pơ ala mơnuih ƀôn sang dêh čar ta ơi Vương Đình Huệ brơi thâo, anai lĕ sa amăng 4 akô̆ bruă lăng tui mơng Khua pơ ala mơnuih ƀôn sang, Jơnum min apăn bruă Khua pơ ala mơnuih ƀôn sang amăng thun 2023. Bôh tơhnal tơdơi kơ 9 blan lăng tui hmâo laih 63 grŭp khua pơ ala mơnuih ƀôn sang, 48 Khul pơ ala mơnuih ƀôn sang gưl tơring čar hmâo lăi pơthâo glăi bôh tơhnal bơdjơ̆ nao truh bôh yôm anai. Khua git gai wai lăng pơ ala mơnuih ƀôn sang lăi rơđah, hră čih pơkra tơlơi pơtrun pơsit lĕ bruă rơnuč mơng grŭp lăng tui, yua anun, khom pơsit hơdôm mơta dưi ngă, akă dưi ngă, akă ngă, ƀu dưi ngă, hmâo ngă soh mơn, bôh than ba truh, ƀu đing nao tơlơi hơget ñu, bruă gơgrong hiưm hơpă hăng Grŭp lăng tui ba tơbiă rơkâo đĭ ba tơbiă hơget? Hơdôm bôh yôm anai ngă phun than pioh Grŭp lăng tui rơkâo hơdôm bôh ƀirô, grŭp ngă tui./.