Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn pơdah pran jua đăo kơnang lĕ, hăng tơlơi prăp lui tŏng ten mơ̆ng Khua pơ ala mơnuih ƀôn sang dêh čar Lao, Jơnum Khul IAPA tal 45 amra truh kih klă hiam, djru pơđĭ tui bruă mă, anih gơgrong mơ̆ng lŏn ia Lao amăng kual.

Amăng tơlơi pơbưp, rôk ruai, dua gơñu pơtŏng sit, Ping gah, Kơnuk kơna hăng mơnuih ƀôn sang dua bôh dêh čar lăng yôm na nao hăng đing nao prong hloh amăng bruă djă pioh, pơgang hăng ƀu pơdơi pơđĭ tui tơlơi rô nao rai giăng mah, gum hrŏm hơbit phara hăng gum hrŏm abih bang kơplah wah Việt Nam – Lao; čang rơmang pơtrut hloh dong tơlơi rô nao rai dua bôh dêh čar, dua Khua pơ ala mơnuih ƀôn sang dêh čar nao dơlăm, ba glăi bôh tơhnal hăng sit nik. Dua gơñu tŭ ư lăi lĕ, tơlơi gum hrŏm kơplah wah Khua pơ ala mơnuih ƀôn sang dua bôh dêh čar dưi hơkrŭ đĭ hăng pơđĭ kyar./.