Pơhiăp amăng mông ngă lơphet, Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn pơtŏng sit, Anom pel ĕp bruă mă yua prăk kơnuk kơna jai hrơi jai kơjăp, prong kơtang; djru pơjing phun than prăk kak lŏn ia pơdah rơđah, kơjăp, djru ba glăi bôh tơhnal kơ bruă pơplih mă yua măi mok, pơpling phrâo hăng mut hrŏm jar kơmar mơ̆ng lŏn ia.

Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn rơkâo đĭ, Anom pel ĕp bruă mă yua prăk kơnuk kơna thâo kơjăp hăng ngă tui djơ̆ hơdră pơtrun, pơsit jơlan gah mă bruă mơ̆ng Ping gah; Tơlơi pơtrun pơsit mơ̆ng Khua pơ ala mơnuih ƀôn sang kơ pơđĭ kyar bơwih ƀong – mơnuih mơnam, pơgang lŏn ia, rơnuk rơnua plơi pla hăng pơtom hiăp; črâo ba wai lăng, git gai mơ̆ng Gong gai dêh čar kơ ngăn drăp kơnuk kơna, hơdră bruă prăk kak; ruah mă hăng đing nao hlâo ngă tui hơdôm tơhnal pơkă phun mơ̆ng bruă pơđĭ kyar Anom pel ĕp bruă mă yua prăk kơnuk kơna truh thun 2030./.