Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn pơsit yôm bruă mă mơ̆ng Khul khua pơ ala mơnuih ƀôn sang tơring čar Thanh Hóa hơdôm hrơi rơgao hmâo lu pơplih phrâo, pơčeh phrâo, pơđĭ dlông anô̆ klă bruă mă anăp nao jai hrơi jai sit nik hloh, hreč bruă, ba glăi bôh tơhnal hloh.

Pơ̆ anăp anai, Khua git gai wai lăng pơ ala mơnuih ƀôn sang dêh čar ta rơkâo tơring čar gir run dong hăng khut khăt hloh amăng git gai, črâo ba, đing nao hơdôm bruă pơplih phrâo, hơdôm bruă mă phun, pơtlaih hơdôm tơlơi gun, tơlơi tơnap, ngă tui anô̆ gal mơ̆ng tơring čar nao hrŏm hăng iâo pơhrui pran kơtang mơ̆ng abih bang mơnuih ƀôn sang tơring čar. Khua git gai wai lăng pơ ala mơnuih ƀôn sang dêh čar pơtă, Thanh Hóa pok pơhai ba glăi bôh tơhnal dong hơdôm bruă mă yua anô̆ gal, pơtrut pơđĭ kyar bơwih ƀong. Phun ñu lĕ ngă tui ba glăi bôh tơhnal hơdôm jơlan gah pơđĭ kyar ngă đang hmua, đang kyâo, akan hơdang, gơnam tam, nao hrŏm hăng pơdŏng plơi pla phrâo, đing nao pơđĭ kyar bruă đang hmua mă yua hơdră phrâo yôm, pơplih mơ̆ng tơlơi pơmin bruă ngă đang hmua hơdai nao bơwih ƀong bruă đang hmua./.