Khua git gai wai lăng pơ ala mơnuih ƀôn sang dêh čar ta lăi rơđah, Việt Nam lăng yôm tơlơi rô nao rai giăng mah, gum hrŏm lu mơta hăng Marok; čăng rơmang gum hrŏm amăng lu mơta bruă pioh dua bơnah gum hrŏm pơđĭ kyar; hơ-ơč hmưi Marok hmâo lu bôh than gah bruă bơwih ƀong – mơnuih mơnam amăng hơdôm hrơi rơgao, biă ñu bruă bơwih ƀong prong tal 5 ƀơi kual Ơi Jŭ.

Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn lăi lĕ, Khua pơ ala mơnuih ƀôn sang Việt Nam hăng Khua pơ ala mơnuih ƀôn sang Gơnong yŭ, Gơnong dlông dêh čar Marok hmâo dŏng yua laih tơdruă amăng hơdôm mông Bơkơtuai bruă Khua pơ ala mơnuih ƀôn sang kual ASIA – Thái Bình Dương, Khul pơlir hơbit Khua pơ ala mơnuih ƀôn sang rŏng lŏn tơnah. Pơ̆ anăp anai, Khua git gai wai lăng pơ ala mơnuih ƀôn sang dêh čar ta rơkâo, Khua pơ ala mơnuih ƀôn sang dua bôh dêh čar djă pioh bruă bơkơtuai grŭp hăng hơdôm bruă pơbưp gưl dlông, hơdôm gưl pioh lăi pơthâo tơlơi găn rơgao amăng bruă khua pơ ala mơnuih ƀôn sang; gum hrŏm kơjăp amăng hơdôm mông bơkơtuai lu bơnah, pơlir hơbit bruă Khua pơ ala mơnuih ƀôn sang amăng kual hăng rŏng lŏn tơnah./.