Čơkă Khua git gai wai lăng pơ ala mơnuih ƀôn sang dêh čar ta, ơi Vương Đình Huệ  hăng Grŭp pơ ala gưl dlông Khua pơ ala mơnuih ƀôn sang dêh čar Việt Nam ƀơi tơdrŏn rơdêh por hmâo Khua anih jưh pơ ala kơ Việt Nam ƀơi Indonesia hrŏm hăng khua pơ ala mơnuih Việt Nam ƀơi Jakarta. Tơdơi kơ ngă lơphet čơkă jum mơtăm, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ bơkơtuai hăng Khua git gai wai lăng pơ ala mơnuih ƀôn sang gơnong yŭ dêh čar Indonesia, yă Poan Maharani.

Khua git gai wai lăng pơ ala mơnuih ƀôn sang gơnong yŭ dêh čar Indonesia pơsit yôm bôh tŭ yua tal nao čuă Indonesia blung a mơng Khua git gai wai lăng pơ ala mơnuih ƀôn sang dêh čar ta, ơi Vương Đình Huệ hăng ăt lĕ tal čuă Indonesia blung a mơ̆ng Khua pơ ala mơnuih ƀôn sang dêh čar Việt Nam tơdơi kơ 13 thun. Dua gơñu tŭ ư hrŏm kơ hơdôm jơlan gah prong pioh pơtrut dong tơlơi rô nao rai dua bơnah pơ̆ anăp anai, pơtrut kơtang dong bruă bơkơtuai grŭp, bưp gưl dlông hăng hơdôm gưl ƀơi glông Ping gah, Kơnuk kơna, gum hrŏm Khua pơ ala mơnuih ƀôn sang, gum hrom kơplah wah tơring čar, ƀôn prong hăng bơkơtuai mơnuih ƀôn sang, sit nik hơdor glăi 10 thun bruă gum hrom hăng anăp nao hơdor glăi 70 thun bruă pơtom hiăp thun 2025./.