Amăng mông bưp, mơnuih pơ ala kơ mơnuih ƀôn sang tơring glông Vĩnh Bảo đing nao truh tơlơi rơhuông adai, hơdră bruă brơi čan prăk, wai lăng ƀôn prong, pơkă kual, bruă ia jrao, bôh thâo, tuai čuă ngui, bruă đang hmua, mơnuih ngă đang hmua, plơi pla, hơdôm hơdră bruă pơgang pơlar plơi mă bruă đưm.

Khua git gai wai lăng pơ ala mơnuih ƀôn sang dêh čar ta ơi Vương Đình Huệ lăi pơhing, amăng blan 7 anai, Jơnum min apăn bruă Khua pơ ala mơnuih ƀôn sang amra mă yua tơlơi pơtrun pơsit, Gong gai dêh čar, hơdôm ding jum, gơnong bruă, tơring čar, ƀôn prong ăt hmâo pơdŏng mơn kơčăo bruă pioh pok pơhai bruă dưm dăp anom mă bruă čar amăng rơwang phrâo. Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo pơhiăp ngă rơđah laih hơdôm tơlơi pơkon mơ̆ mơnuih pơ ala kơ mơnuih ƀôn sang Vĩnh Bảo lăi đĭ, hrŏm hăng anun pơtŏng sit hơdôm ƀirô bơdjơ̆ nao mơng Khua pơ ala mơnuih ƀôn sang amra kơsem min, tŭ mă tơlơi gum pơhiăp mơng mơnuih pơ ala, lăi pơthâo kơ Khua pơ ala mơnuih ƀôn sang dêh čar, Jơnum min apăn bruă Khua pơ ala mơnuih ƀôn sang pơsit; ba hơdôm ƀirô pel ĕp, pơsir hơdôm tơlơi tui pô dưi hăng Grŭp Khua pơ ala mơnuih ƀôn sang ƀôn prong amra lăng tui bruă ngă tui djơ̆ tơlơi pơkă./.