Čơtlăm lơ 18/4, yap tui mông ƀơi Cuba, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hăng Grŭp khua pơ ala gưl dlông Khua pơ ala mơnuih ƀôn sang dêh čar ta hmâo truh laih pơ̆ tơdron rơdêh por José Martin, plơi prong jưh jom La Habana pơphun tal nao čuă dêh čar Cuba tui tơlơi Jak iâu mơng ơi Esteban Lazo Hernandez, Khua git gai wai lăng pơ ala mơnuih ƀôn sang gong gai mơnuih ƀôn sang, Khua Khul pơ ala Kơnuk kơna dêh čar Cuba. Tal nao čuă dêh čar Cuba mơng Khua git gai wai lăng pơ ala mơnuih ƀôn sang dêh čar ta ơi Vương Đình Huệ kiăng pơtrut tơlơi rô nao rai giăng mah mơng hlâo.

Gum hrom pha ra kơplah wah dua bôh dêh čar amăng lu bruă kah hăng: Tơlơi rô nao rai bruă kơđi čar pơtom hiăp; gum hrom pơgang lŏn ia – rơnuk rơnua plơi pla; Gum hrom bơwih ƀong, sĭ mơdrô, tuh pơplai; Gum hrom bruă đang hmua; Gum hrom bruă ia jrao. Amăng gum hrom kơplah wah Khua pơ ala mơnuih ƀôn sang, dua bôh dêh čar amra pơtrut kơtang kơtưn bưp gưl dlông hăng hơdôm gưl, kơplah wah Khua pơ ala mơnuih ƀôn sang dua bôh dêh čar, kơplah wah Grŭp Khua pơ ala mơnuih ƀôn sang; ngă tui dong bruă mă khua pơ ala mơnuih ƀôn sang dua bôh dêh čar amăng pơtrut tơlơi rô nao rai dua bơnah; gum hrom amăng hơdôm bruă bơkơtuai jar kơmar lu bơnah./.