Bruă bơkơtuai đing nao 3 mơta tơlơi phun kah hăng: Mơnuih amăng khul pơdah pran jua tơlơi pơmin, čang rơmang, ba tơbiă hơdôm tơlơi pơmin, jơlan pơsir hăng pơtŏng sit pran jua yak rơgao djop tơlơi tơnap ƀơi anăp, pơtrut pơđĭ kyar bơwih ƀong mơnuih mơnam, anăp nao pơdŏng Việt Nam gơgrong kơjăp tui pran jua Tơlơi pơtrun pơsit mơ̆ng Jơnum tal 13 mơ̆ng Ping gah.

Pơhiăp klah čun amăng mông bơkơtuai, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ pơtŏng sit truh kih mơ̆ng bruă Bơkơtuai pơdah pran jua pơplih na nao, ngă bruă khut khăt mơ̆ng Khua pơ ala mơnuih ƀôn sang yua kơ bôh tŭ yua mơnuih ƀôn sang, mơ̆ng mơnuih mă bruă. Đăo gơnang, gah yŭ tơlơi git gai djơ̆, thâo rơđah mơ̆ng Ping gah, tơlơi gum hrom kơjăp, lê̆ nao hrŏm amăng bruă ngă klă, gơgrong hmâo mơ̆ng hơdôm gưl, hơdôm gơnong bruă hăng abih bang bruă kơđi čar, tơlơi dŏng yua, ha pran jua, gir run hăng abih pran jua mơ̆ng mơnuih ƀôn sang, mơnuih mă bruă, khul bơwih ƀong, sit ñu ƀing ta amra yak rơgao tơlơi tơnap, tơlơi lông, thâo rơđah tơhnal gal, ngă truh kih bôh yua bruă pơđĭ kyar bơwih ƀong mơnuih mơnam thun 2023 hăng rơwang mơ̆ng thun 2021-2025./.