VOV4.Jarai - Ƀrô djơ̆ tal Ơi Álvaro Elizarde dưi ruah ngă Khua git gai wai lăng pơ ala mơnuih ƀôn sang gơnong glông hăng Ơi Raul Soto Mardones dưi ruah ngă Khua git gai wai lăng pơ ala mơnuih ƀôn sang gơnong yŭ dêh čar Chile, pơ ala kơ Khua pơ ala mơnuih ƀôn sang dêh čar Việt Nam, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo mơ-ĭt hră hơ-ư̆č hmưi. Amăng hră mơ-ĭt Ơi Álvaro Elizarde, Khua pơ ala mơnuih ƀôn sang gơnong dlông dêh čar Chile hăng Ơi Raul Soto Mardones Khua git gai wai lăng pơ ala mơnuih ƀôn sang gơnong yŭ dêh čar Chile, Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơdah pran jua mơ-ak lăng ƀuh tơlơi Gum hrom abih bang kơplah wah Việt Nam hăng Chile glăk đĭ kyar klă hiam; dua bôh dêh čar phrâo hơdor glăi 50 thun pơdŏng bruă pơtom hiăp. Pơ̆ anăp anai, Khua git gai wai lăng pơ ala mơnuih ƀôn sang dêh čar ta ơi Vương Đình Huệ čang rơmang, gum hrom kơjăp hăng khua pơ ala mơnuih ƀôn sang Chile kiăng pơtrut bruă rô nao rai kơplah wah Kơnuk kơna, Khua pơ ala mơnuih ƀôn sang hăng mơnuih ƀôn sang Việt Nam hăng Chile jai hrơi jai nao dơlăm, sit nik, ba glăi bôh tŭ yua, yua kơ bôh tŭ yua sit nik mơng mơnuih ƀôn sang dua bôh dêh čar, yua kơ tơlơi rơnuk rơnua, hơđong, gum hrom, pơđĭ kyar ƀơi kual hăng ƀơi rŏng lŏn tơnah./.

Siu H’ Prăk: Pơblang