Tal nao čuă dêh čar Indonesia anai mơ̆ng Khua git gai wai lăng pơ ala mơnuih ƀôn sang dêh čar ta, ơi Vương Đình Huệ amra djru bruă gum hrom kơplah wah Việt Nam hăng Indonesia jai sit nik hloh hăng pơtrut tơlơi rô nao rai dua bơnah đĭ tơhnal dlông phrâo pơ̆ anăp anai. Ăt ƀơi Indonesia mơn, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ ba jơlan Grŭp khua pơ ala gưl dlông Khua pơ ala mơnuih ƀôn sang dêh čar Việt Nam nao pơhmư̆ mông Jơnum khul AIPA-44 kiăng pơtŏng sit bruă mă mơng Khua pơ ala mơnuih ƀôn sang Việt Nam, gơgrong hlâo, gum hơgôp sit nik amăng bôh yôm mơng AIPA.

Hrŏm hăng ƀing Khua pơ ala mơnuih ƀôn sang AIPA hơkrŭ đĭ pran gum hrŏm hơbit hăng bruă mă phun mơ̆ng ASEAN, pơtrut kơtang tơlơi rô nao rai kơplah wah AIPA hăng hơdôm bơnah, gum hơgôp amăng rơnoh bruă pơdŏng ASEAN; ngă tui bruă gơgrong, bôh pơhiăp mơ̆ng AIPA pioh kơ tơlơi rơnuk rơnua, hơđong hăng pơđĭ kyar./.