VOV4.Jarai - Čơtlăm lơ 7/2, Khua git gai wai lăng pơ ala mơnuih ƀôn sang dêh čar ta ơi Vương Đình Huệ nao čuă mă bruă hăng Anom sŭ hluă  II, Ding jum khul ling tơhan. Kiăng Anom sŭ hluă  ngă tui truh kih dong bruă mă amăng thun 2022 hăng hơdôm thn tô̆ tui, Khua git gai wai lăng pơ ala mơnuih ƀôn sang dêh čar ta ơi Vương Đình Huệ rơkâo, abih bang Anom sŭ hluă  lăi pơthâo dơlăm, pok pơhai hmao tlôn, ba glăi bôh tơhnal Tơlơi pơtrun pơsit, tơlơi črâo ba, phun ñu lĕ Tơlơi pơtrun pơsit mrô 48 mơng Ding jum kơđi čar hăng Tơlơi pơtrun pơsit mrô 160 mơng Grŭp apăn bruă Ping gah khul ling tơhan dêh čar “Kơ tơlơi git gai bruă hyu krâ̆o sŭ pơgang lŏn ia djơ̆ tơlơi kiăng, bruă mă amăng rơnuk phrâo”, gir run hrưn đĭ hăng pran pơsit prong hloh, ngă giong klă hăng thâo hloh bruă kơđi čar, pơhlôm bôh tơhnal thun 2022 khom dlông hloh thun 2021.

Anom sŭ hluă  II khom pơdŏng dong bruă sŭ hluă pơgang lŏn ia jing khul đăo kơnang, ha pran jua hăng Ping gah, hăng Lŏn ia hăng Mơnuih ƀôn sang; Kơjăp gah bruă kơđi čar, kơjăp gah tơlơi pơkă, rơguăt, kơjăp, tơpă klă gah pơphun bruă, kơtang gah pran jua, ba glăi bôh tơhnal prong, amra čơkă bruă hăng ngă giong prong bruă mơ̆ Ping gah, Kơnuk kơna, Khul ling tơhan, Mơnuih ƀôn sang jao./.

Siu H’ Prăk: Pơblang