VOV4.Jarai - Ƀrô djơ̆ hrơi hră pơhing hơkrŭ Việt Nam lơ 21/6, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo nao čuă, mă bruă laih hăng Hră pơhing Đại biểu Nhân dân. Pơhiăp ƀơi anai,  Khua git gai wai lăng pơ ala mơnuih ƀôn sang dêh čar ta ơi Vương Đình Huệ lăi rơđah, hră pơhing hmâo lăi djơ̆ tơlơi hơdip mơda amăng mông jơnum Khua pơ ala mơnuih ƀôn sang hăng jing glông jơlan pioh mơnuih ƀôn sang lăng tui bruă mă mơng Khua pơ ala mơnuih ƀôn sang lăi ha jăn, mơng hơdôm ƀirô kơnuk kơna lăi hrom. Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit, amăng rơnuk yua lu mrô ră anai, Grŭp git gai Hră pơhing Đại biểu Nhân dân ƀu pơdơi laih pơčeh phrâo, khut khăt pơplih phrâo bôh yôm hăng hơdră pôr pơhing, lăi pơhing, dô̆ pơmin, hyu hơduah ĕp djop jơlan gah nao djơ̆, juăt tañ hăng hơdôm tơlơi kiăng ngă phrâo mơng bruă bơwih ƀong mrô, mơnuih mơnam mơ̆ dêh čar ta glăk anăp nao. Kiăng đĭ tui hloh dong bôh tŭ yua bruă pôr pơhing, lăi pơhing kơ bruă mă mơng Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar rơkâo Hră pơhing Đại biểu Nhân dân ngă klă bruă pơkă jơlan gah pơđĭ kyar, wai lăng djơ̆, pơjing tơlơi djơ̆ hrom prong amăng rim bruă mă, pơhlôm djơ̆ jơlan gah pơsit, tơlơi git gai mơng Ping gah, hơdră bruă, tơlơi phiăn mơng Kơnuk kơna./.

Siu H’ Prăk: Pơblang