Pơhiăp amăng mông jơnum, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ pơtă, Khul khua pơ ala mơnuih ƀôn sang tơring čar Quảng Trị khom lăi pơthâo tơdăm hăng rơđah hloh dong, pơphun ngă tui klă hloh hơdôm Tơlơi pơtrun pơsit mơng Ping gah, hơdôm tơlơi pơtrun pơsit mơng Ping gah, Tơlơi pơtrun pơsit tal jơnum lok 5 khua pơ ala mơnuih ƀôn sang tal 15 phrâo pel ĕp kiăng pơplih phrâo jing Tơlơi pơtrun pơsit mơ̆ng Khul khua pơ ala mơnuih ƀôn sang tơring čar amăng rim mơta bruă.

Pơplih kơtang dong, pơđĭ tui klă bruă mă, ba glăi bôh tơhnal bruă mă mơng Khul khua pơ ala mơnuih ƀôn sang tơring čar amăng bruă pơsit hơdôm tơlơi yôm phăn mơ̆ng tơring čar. Đing nao pơtlaih hơdôm anô̆ gun, dô̆ đôm hmâo črâo rơđah laih, ngă giong dong hơdră pơkă kiăng ngă gal brơi pơđĭ kyar tơring čar Quảng Trị, pơtrut tañ rơnoh hơdôm rơwang bruă yua prăk kơ bruă hrŏm, anom mă yua, bơwih ƀong mơnuih mơnam, biă ñu hơdôm rơwang bruă phun, yôm phăn mơ̆ng tơring čar; hơdôm jơlan hơdră pơkă mơ̆ng lŏn ia, jơlan hơdră hơkrŭ glăi hăng pơđĭ kyar bơwih ƀong./.