Amăng mông tŭ jum, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ pơtŏng sit, gum hrŏm bơwih ƀong, sĭ mơdrô lĕ bruă mă dưi hmâo Khua git gai dua bôh dêh čar abih pran jua đing nao. Khua git gai wai lăng pơ ala mơnuih ƀôn sang dêh čar ta, ơi Vương Đình Huệ lăi rơđah, dua bơnah khom mă yua đut hlah tơhnal gal gum hrom, ngă tui ba glăi bôh tơhnal hơdôm tơlơi pơkôl, gum hrom ngă gal brơi kơ bruă mă mơng hơdôm bôh anom bơwih ƀong.

Amăng mông tŭ jum, dua bơnah tŭ ư kơtưn hơdôm bruă mă gah bruă juăt mă kiăng ĕp hơdră gum hrom lăp djơ̆, ba glăi bôh tơhnal kơplah wah dua bôh dêh čar, biă ñu hơdôm hơdră tô nao rai anom bơwih ƀong, tơring čar, ƀôn prong hăng tơring čar, ƀôn prong. Gong gai, Khua pơ ala mơnuih ƀôn sang dua bôh dêh čar đing nao pơjing tơlơi phiăn, ngă gal brơi kơ anom bơwih ƀong, tơring čar, ƀôn prong kơtưn gum hrŏm./.