VOV4.Jarai - Čơtlăm  mơmot lơ 22/7, ƀơi Sang mă bruă Khua pơ ala mơnuih ƀôn sang dêh čar, Khua git gai wai lăng pơ ala mơnuih ƀôn sang dêh čar ta ơi Vương Đình Huệ tŭ jum Khua Khul wai lăng Sang prăk Gum hrom jar kơmar Japan (JBJC) Maeda Tadashi rai čuă hăng mă bruă ƀơi dêh čar Việt Nam.

Amăng mông tŭ jum, Khua git gai wai lăng pơ ala mơnuih ƀôn sang dêh čar ta ơi Vương Đình Huệ bơni Khua Khul wai lăng JBJC hmâo lăi pơthâo 3 jơlan gah pơsit prong bơdjơ̆ nao bruă mơ̆ JBJC gum hrom, djru kơ Việt Nam amăng pơplih apui yua hrom hăng anun čang rơmang JBJC djru Việt Nam, Kơnuk kơna, Khua pơ ala mơnuih ƀôn sang ngă giong glông bruă pơdŏng phiăn, hơdră pơkă amăng pơđĭ kyar kơjăp phik, biă ñu pơplih ayuh hyiăng hăng pơplih apui yua. Hluai tui tơlơi rô nao rai klă hiam kơplah wah Việt Nam hăng Japan, Khua git gai wai lăng pơ ala mơnuih ƀôn sang dêh čar ta ơi Vương Đình Huệ đăo gơnang, Japan amra jing bơnah gum hrom yôm phăn hăng đăo kơjăp mơng Việt Nam amăng ngă tui tơhnal pơkă ngă juăt hăng pơplih ayuh hyiăng, pơplih apui yua, ngă tui hơdôm tơlơi pơkôl hmâo ba tơbiă ƀơi mông Jơnum COP26./.

Siu H’ Prăk: Pơblang