Khua git gai wai lăng pơ ala mơnuih ƀôn sang dêh čar ta pơsit amăng abih bang hrom tơlơi rô nao rai kơplah wah dua bôh dêh čar, gum hrom pơtô pơhrăm hmâo bruă yôm phăn hăng jai hrơi jai pơđĭ kyar. Hăng rơbêh kơ 30.000 čô čơđai gưl dlông hăng kơsem min bôh thâo phrâo dêh čar Việt Nam glăk hrăm ƀơi Australia, gum hrom pơtô pơhrăm ƀu djơ̆ kơnong kơ djru bruă pơlar mơnuih mă bruă mơng Việt Nam hăng bơwih ƀong mơng Australia ôh mơ̆ ñu dô̆ jing jơlan pơhrua nao rai bôh thâo kơjăp phik, jing jơlan tô nao rai giăng mah kơplah wah mơnuih ƀôn sang dua bôh dêh čar.

Khua Ding jum pơtô pơhrăm Australia brơi thâo: Việt Nam ră anai dŏng tal 4 kơ mrô čơđai sang hră, čơđai gưl dlông dô̆ hrăm hră ƀơi Australia hăng đăo gơnang na nao kơ hơdôm tơhnal gal gum hrom prong amăng bruă pơtô pơhrăm kơplah wah dua bôh dêh čar. Dua bơnah lăi lĕ, bruă pơphun bơkơtuai gum hrom pơtô pơhrăm Việt Nam hăng Australia ƀrô djơ̆ tal nao čuă Australia mơng Khua git gai wai lăng pơ ala mơnuih ƀôn sang dêh čar lĕ bruă mă yôm phăn, djru pơtrut gum hrom bruă pơtô pơhrăm kơplah wah dua bôh dêh čar./.