VOV4.Jarai - Čơtlăm lơ 3/6, Gong phun pơdah rŭp Khua pơ ala mơnuih ƀôn sang dêh čar Việt Nam sit nik lăi pơthâo Ƀô̆ mơta phrâo hăng Anô̆ gơgrong glông pơdah 7. Pơ ala kơ khua git gia Khua pơ ala mơnuih ƀôn sang, Jơnum min apăn bruă Khua pơ ala mơniuh ƀôn sang, Khua git gai wai lăng pơ ala mơnuih ƀôn sang hur har hơ-ư̆č hmưi kơ hơdôm bôh tơhnal yôm phăn amăng pơplih phrâo, pơđĭ tui anô̆ klă, bôh yôm hăng hơdră pơdah hơdôm jơlan hơdră mơng Gŏng phun pơdah rŭp Khua pơ ala mơnuih ƀôn sang Việt Nam; djơ̆ hăng tơlơi kiăng, khom hmâo mơng Khua pơ ala mơnuih ƀôn sang, Jơnum min apăn bruă Khua pơ ala mơnuih ƀôn sang, neh wa hăng mơnuih ƀôn sang.

Khua git gai wai lăng pơ ala mơnuih ƀôn sang dêh čar ta ơi Vương Đình Huệ nao pơhmư̆ mông ngă lơphet lăi pơthâo

Khua git gai wai lăng pơ ala mơnuih ƀôn sang dêh čar ta ơi Vương Đình Huệ lăi lĕ, anai lĕ hơdôm pran pơtrut yôm phăn kiăng glông pơdah rŭp Khua pơ ala mơnuih ƀôn sang Việt Nam dưi pơsit anih gơgrong, bruă mă jing glông tô nao rai kơplah wah Khua pơ ala mơnuih ƀôn sang, Khua pơ ala kơ Khua git gai wai lăng pơ ala mơnuih ƀôn sang hăng mơnuih ƀôn lan hăng mơnuih lăng glông pơdah rŭp đơ đam dêh čar. Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơtă, pơplih ƀô̆ mơta ăt khom phrâo mơn gah pran pơsit, kơnuih hăng hơdră ngă./.

Siu H’ Prăk: Pơblang