Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit yôm bôh tơhnal bruă mă mơng Khul pơ ala mơnuih ƀôn sang ƀôn prong Hà Nội, amăng anun Khul pơ ala mơnuih ƀôn sang ƀôn prong hăng hơdôm gưl gum hrŏm klă, hmâo pran jua gơgrong amăng truh kih klă hiam mơ̆ng bruă ruah khua pơ ala mơnuih ƀôn sang dêh čar ta tal 15 hăng khua pơ ala Khul pơ ala mơnuih ƀôn sang hơdôm gưl rơwang bruă 2021-2026.

Anô̆ ƀuh rơđah biă ñu mơ̆ng rơwang bruă anai lĕ Ping gah Khul pơ ala mơnuih ƀôn sang, Khul pơ ala mơnuih ƀôn sang ƀôn prong hmâo ba tơbiă laih Grŭp apăn bruă Ping gah ƀôn prong Hà Nội mă yua hăng pok pơhai ngă tui Akô̆ bruă mrô 15 kơ “Pơđĭ tui bôh thâo, mă yua, bôh tơhnal bruă mă mơng Khul pơ ala mơnuih ƀôn sang hơdôm gưl rơwang 2021-2026 pơkĕ hrŏm hăng ngă pơphô pơphun hơdră gong gai plơi prong hăng hơkrŭ đĭ gong gai plơi pla ƀơi ƀôn prong Hà Nội”. Khul pơ ala mơnuih ƀôn sang ƀôn prong hmâo gum hrŏm klă hăng hơdôm Jơnum min mơ̆ng Khua pơ ala mơnuih ƀôn sang, Grŭp khua pơ ala mơnuih ƀôn sang ƀôn prong kiăng pok pơhai ba glăi bôh tơhnal hơdôm bruă lăng tui mơ̆ng Khua pơ ala mơnuih ƀôn sang hăng Jơnum min apăn bruă Khua pơ ala mơnuih ƀôn sang./.