Lu tơlơi čih pơhing mơng hơdôm mơnuih amăng Khul đah kơmơi čih tơlơi pơhing Việt Nam hmâo nua yôm, lăi nao rơđah gru tơlơi hơdip, djru klă amăng bruă pơplih phrâo, pơđĭ kyar lŏn ia, lu tơlơi čih hmâo mă pri bơni prong amăng hơdôm pri čih tơlơi pơhing hơdôm tơring čar, ƀôn prong, ding jum, gơnong bruă, khul ling tơhan hăng Pri hră pơhing lŏn ia.

Pơhiăp amăng mông bưp, Khua git gai wai lăng pơ ala mơnuih ƀôn sang Vương Đình Huệ pơtŏng sit, Khua pơ ala mơnuih ƀôn sang hơdôm tal leng kơ lăng yôm bruă mă mơng hră pơhing phrâo, biă ñu ƀirô mơnuih ƀôn sang ruah mơng Dêh čar truh plơi pla ăt hmâo mơn khua pơ ala brơi hơdôm ƀirô čih tơlơi pơhing. Pơ̆ anăp anai, Khua git gai wai lăng pơ ala mơnuih ƀôn sang rơkâo khul mơnuih čih tơlơi pơhing dêh čar ta khom lăi pơthâo tum djop, dơlăm hloh dong tơlơi pơmin, bruă pôr pơhing lĕ jơlan tơma, jing gơnam yôm phăn mơng Ping gah amăng tơlơi pơmin. Ƀrô djơ̆ tal anai, Khua git gai wai lăng pơ ala mơnuih ƀôn sang hơ-ư̆č hmưi ƀing đah kơmơi čih tơlơi pơhing hăng Khul đah kơmơi čih tơlơi pơhing Việt Nam “na nao thun 20” kah hăng pran jua mơng Ling tơhan pơsăn drơi, Ơi ia jrao Đặng Thùy Trâm; djă pioh na nao “Pran jua rơđah, tơlơi pơmin rơđah, tơlơi tơma” hăng sit nik jing “hơdôm bơnga kơtor tơkuih hăng pơsơi”./.