Pơhiăp amăng mông bưp, Khua git gai wai lăng pơ ala mơnuih ƀôn sang dêh čar ta lăi rơđah, Khul khom pơplih phrâo tơlơi pơmin kơ jơlan gah pơkă kual plơi prong, pơhlôm kual pơkă plơi prong khom hmâo tơhnal lăng sui thun, ha amăng plĕ hăng phrâo rơnuk anai, mă ană mơnuih hăng anô̆ klă tơlơi hơdip mơda ngă phun; khom sut lui tơlơi pơmin rơwang bruă, tơlơi pơkă kual pioh lơi hnun, hơdră pơkă rơkâo tơlơi tŭ yua grŭp amăng pơdŏng, pơplih pơkra hăng pơhrua nao kual pơkă.

Khua git gai wai lăng pơ ala mơnuih ƀôn sang dêh čar ta, ơi Vương Đình Huệ lăi rơđah tơhnal yôm phăn mơng tơlơi pơkă kual, biă ñu kual pơkă plơi prong. Bôh nik, 75% pran pơtrut pơđĭ kyar ƀơi rŏng lŏn tơnah lĕ tơbiă rai mơng plơi prong. Amăng mông bưp, ƀing ding kơna amăng khul hmâo gum pơhiăp laih kơ hơdôm rơwang bruă Tơlơi phiăn lŏn drŏn (pơplih pơkra); Tơlơi phiăn sang dô̆, Tơlơi phiăn pơkă kual plơi prong, Tơlơi phiăn man pơdŏng; Tơlơi phiăn bơwih ƀong sĭ mơdrô lŏn sang...