Khua git gai wai lăng pơ ala mơnuih ƀôn sang Vương Đình Huệ pơtŏng sit amăng giăm truh ha rơnuk thun rơgao, gum hrom pơtô pơhrăm jing phun than hăng gru rơđah amăng gum hrom giăng mah dua bôh dêh čar. Ră anai hmâo năng ai ñu 30 rơbâo čô čơđai gưl dlông Việt Nam glăk dô̆ hrăm hră, kơsem min ƀơi Australia.

Khua git gai wai lăng pơ ala mơnuih ƀôn sang đăo gơnang lĕ, bruă bơkơtuai amra pok tơbiă sa rơwang phrâo kơ tơlơi gum hrom pơtô pơhrăm kơplah wah dua bơnah kơjăp phik, sui thun, djru kơtưn tơlơi rô nao rai gum hrom kơplah wah Việt Nam hăng Australia. Amăng mông bơkơtuai, Khua git gai wai lăng pơ ala mơnuih ƀôn sang Vương Đình Huệ, Khua anih jưh pơ ala kơ Australia ƀơi Việt Nam Andrew John Lech Goledzinowski hmâo lăng laih hơdôm bôh Sang hră Đại học Việt Nam hăng Australia lăi pơthâo nao rai 12 mơta hră pơ-ar, hră čih hơdor pioh kơ lăi pơthâo nao rai čơđai gưl dlông, nai pơtô čơđai gưl dlông hăng gum hrom kơsem min, pơlir hơbit pơtô pơhrăm amăng hơdôm bruă kah hăng: jơlan nao rai dŭ pơgiăng, bruă đang hmua, hơdră măi mok./.