VOV4.Jarai - Ƀrô djơ̆ mă bruă blung a mơng thun phrâo Nhâm Dần, mơguah lơ 7/2, ƀơi Sang mă bruă Khua git gai wai lăng pơ ala mơnuih ƀôn sang dêh čar ta ơi Vương Đình Huệ hăng ƀing khua mua pơ ala mơnuih ƀôn sang hmâo bưp ƀô̆ mơta, jao bruă mă kơ ƀing khua pơ ala mơnuih ƀôn sang gơgrong bruă, mơnuih apăn bruă, mơnuih mă bruă čar hăng mơnuih mă bruă pơkon mơng Anom bruă Khua pơ ala mơnuih ƀôn sang. Pơhiăp amăng mông bưp, Khua git gai wai lăng pơ ala mơnuih ƀôn sang dêh čar ta ơi Vương Đình Huệ lăi rơđah, tơlơi čang rơmang prong, dô̆ tơguan hơdôm tơlơi pơplih phrâo bruă mă, amăng anun hmâo tơlơi pơplih phrâo gah hơdră pơkă. Khua git gai wai lăng pơ ala mơnuih ƀôn sang dêh čar ta ơi Vương Đình Huệ lăi pơthâo kơ tal nao hơ-ư̆č hmưi Tết tui phiăn juăt mơng Khua git gai wai lăng pơ ala mơnuih ƀôn sang dêh čar hrom hăng grŭp hyu mă bruă ƀơi 6 bôh tơring čar gah Dơnung dêh čar hăng hơdôm bruă mă mơng ƀing Kơ-iăng Khua git gai wai lăng pơ ala mơnuih ƀôn sang dêh čar. Khua git gai wai lăng pơ ala mơnuih ƀôn sang dêh čar ta ơi Vương Đình Huệ rơkâo, bruă lăng tui, tơdơi kơ Tết tui phiăn juăt, ƀing Khua grŭp lăng tui khom mă bruă abih pran jua kiăng ngă tui 4 mơta bruă lăng tui mơng Khua pơ ala mơnuih ƀôn sang hmâo ba tơbiă; hrom hăng anun pel ĕp 107 akô̆ bruă amăng Jơlan hơdră bruă mă mơng Ping gah Grŭp khua pơ ala mơnuih ƀôn sang ngă tui Tơlơi pơtrun pơsit Jơnum tal 13 mơng Ping gah hăng 137 mơta bruă čih pơkra tơlơi phiăn tui tơlơi klah čun 19 mơng Ding jum kơđi čar hăng akô̆ bruă pơsit jơlan gah jơlan hơdră pơdŏng tơlơi phiăn rơwang bruă Khua pơ ala mơnuih ƀôn sang tal 15./.

Siu H’ Prăk: Pơblang