Tô̆ tui tal nao čuă dêh čar Australia, čơtlăm lơ 2/12 (yap tui mông ƀơi anai), ƀơi ƀirô mă bruă Sang hră đại học RMIT, ƀôn prong Melbourne, ala čar Victoria, Khua git gai wai lăng pơ ala mơnuih ƀôn sang Vương Đình Huệ nao pơhmư̆ bruă Bơkơtuai gum hrom bơwih ƀong Việt Nam - Australia. Pơhiăp amăng mông bơkơtuai, Khua git gai wai lăng pơ ala mơnuih ƀôn sang Vương Đình Huệ lăi rơđah, tơlơi rô nao rai bruă kơđi čar đăo gơnang biă hăng klă hiam kơplah dua bôh dêh čar lĕ phun than kơ tơlơi pơđĭ kyar gum hrom abih bang amăng abih bang bruă mơng Việt Nam hăng Australia.

Tơdah tơlơi rô nao rai klă hiam, đăo gơnang kơ bruă kơđi čar, pơtom hiăp lĕ phun than thơ, bruă bơkơtuai mơnuih ƀôn sang jing jơlan gum hrom kơtang. Bơkơtuai mơnuih ƀôn sang hmâo tơlơi gum hơgôp mơng tuai hyu čuă ngui dua bôh dêh čar. Amăng anun, mơnuih Việt Nam ƀơi Australia năng ai ñu 350.000 čô mơnuih, jing khul mơnuih lu dŏng tal 5 mơng dêh čar tač rơngiao dô̆ ƀơi Australia. Khua git gai wai lăng pơ ala mơnuih ƀôn sang Vương Đình Huệ lăi lĕ, anai lĕ hơdôm mơnuih mơng tơlơi giăng mah, jing bôh than kơ tơlơi rô nao rai mơng dua bôh dêh čar hă, tơlơi rô nao rai bơwih ƀong sĭ mơdrô hăng tuh pơplai glăi jing pran pơtrut yôm phăn kơ bruă gum hrom khom ngă mơng dua bôh dêh čar./.