VOV4.Jarai - Amăng thun 2021, mah bơbeč yua ƀu ƀiă ôh mơng klin Covid-19 ngă, GPJPVN ăt gơgrong bruă jing anom bruă pôr pơhing phun, ngă truh kih djŏp bruă hơmâo jao, gum djru prong biă amăng bruă pôr pơhing”. Anun jing tơlơi pơsit mơng Khua ding jum Pôr pơhing, Kơ-iăng khua Anom pơtô bruă Ping gah dêh čar Nguyễn Mạnh Hùng ƀơi mông jơnum klah čun bruă mă thun 2021 hăng pok pơhai bruă mă amăng thun 2022 mơng GPJPVN.

Khua ding jum Pôr pơhing pơtô pơblang Nguyễn Mạnh Hùng pơhiăp ƀơi mông jơnum.

Amăng thun laih rơgao, GPJPVN lêng kiăo tui tơlơi git gai črâo bruă mơng Kơnuk kơna, Khua dêh čar, Anom pơtô bruă Ping gah, Ding jim pôr pơhing, pơƀut pơtô pơblang lu tơlơi, bruă prong mơng lŏn ia, hăng lu glông pôr pơhing, pôr hăng lu tơlơi pơhiăp. Biă ñu, amăng mông klin Covid-19 hơđuh đĭ kơtang amăng thun 2021, GPJPVN hơmâo pơphun hơdôm tal hyu pôr pơhing bruă pơgang klin. Thun 2022, Ding kơna Ping gah, Khua GPJPVN lăi: GPJPVN amra pơƀut ngă bruă kơtang hloh pioh pơplih phrâo, pơƀut mă yua mrô amăng bruă mă đah mơng dưi ngă truh kih bruă kơđi čar hơmâo Ping gah, Kơnuk kơna jao brơi.

Thun 2022, GPJPVN amra pơphun Jơnum ngui ngor tar ƀar tal 15 ƀơi ƀon prong Hồ Chí Minh hăng Jơlan hơdră Chính luận - Nghệ thuật pioh hơdor glăi 92 thun hrơi akŏ pơjing Ping gah Cộng sản Việt Nam.

Siu H’Mai: Pơblang