Tơlơi lăi pơthâo glăi mông mă bruă, ơi Phạm Minh Tấn, Kơ-iăng Khua git gai Ping gah tơring čar Dak Lak brơi thâo, hrŏm hăng hơdôm bôh tơhnal dưi ngă, 6 blan akô̆ thun, tơlơi rơnuk rơnua bruă kơđi čar, hơđong pơhlôm mơnuih mơnam mơng tơring čar ăt dô̆ mơn tơlơi tơnap. Bruă thâo tơlơi, anih anom, bruă mă phun pơgang rơnuk rơnua, hơđong mơnuih mơnam hmâo tơlơi akă hmao tlôn, kơƀah tơlơi dơlăm. Bruă abih bang mơnuih ƀôn sang pơgang hơđong lŏn ia ƀơi sa dua anih anom akă sit nik kơjăp kơtang.

Pơhiăp amăng mông mă bruă, ơi Phan Đình Trạc, Khua Grŭp mă bruă Ping gah dêh čar ta rơkâo Grŭp apăn bruă Ping gah tơring čar Dak Lak kơtưn bruă git gai, črâo ba pok pơhai ngă tui ha amăng plĕ, abih bang hăng pơđĭ dlông bôh tơhnal hơdôm jơlan gah pơgang pơgăn hưp ƀong kông ngăn, tơlơi ngă soh; lăi pơthâo hmao tlôn, tum djop hơdôm hơdră pơtrun, hơdră bruă mơ̆ng Ping gah, tơlơi phiăn mơng Kơnuk kơna kơ  pơgang, pơgăn hưp ƀong kông ngăn, tơlơi ngă soh, nao hrŏm hăng bruă pơdŏng, pơkra Ping gah. Biă ñu, Grŭp apăn bruă Ping gah tơring čar Dak Lak ngă tui anô̆ gal, hơkrŭ pơsir tơlơi tơnap, akă dưi ngă pioh črâo ba ngă tui klă bruă pơhlôm hơđong kơđi čar, djă pioh hơđong pơhlôm mơnuih mơnam, hmao tlôn thâo, pơsir hơdôm tơlơi phrâo hmâo, ƀu pioh hmâo kah mơ̆ng ngă, tô̆ tơnô̆./.