VOV4.Jarai - Tŏ tui Jơnum đơ đam dêh čar kơsem min, hrăm tui, lăi pơthâo abih Tơlơi pơtrun pơsit Jơnum tal 5 Grŭp mă bruă Ping gah dêh čar ra tal 13, mơguah lơ 22/7, Jơnum hmư̆ ding kơna Ding jum kơđi đar, ding kơna git gai Ping gah dêh čar, Khua Grŭp pơphun bruă Kơnuk kơna dêh čar yă Trương Thị Mai lăi pơdah Tơlơi pơtrun pơsit mrô 21 kơ kơtưn hơkrŭ đĭ pơdong bruă Ping gah hăng pơđĭ tui anô̆ kơjăp bruă mă mơng mơnuih ping gah amăng rơwang phrâo. Gah bruă mă, jơlan gah pơsir pơ̆ anăp, hăng bruă hơkrŭ đĭ, pơđĭ tui bôh thâo git gai, pran gơgrong mơng khul ping gah, bruă mă blung a lĕ pơplih phrâo, ngă giong pơphun bruă mă mơng Ping gah. Gah sa dua bruă mă phun pok pơhai Tơlơi pơtrun pơsit 21, yă Trương Thị Mai lăi rơđah kơsem min, pơplih phrâo tơlơi pơtrun pơsit djơ̆ hăng tơlơi dưi hmâo mơng ƀirô, khul grŭp, plơi pla, anom bruă, nao hrom hăng ngă tui Tơlơi Klah čun 21 kơ pơdŏng, pơplih pơkra Ping gah./.

Siu H’ Prăk: Pơblang