VOV4.Jarai - Amăng tal nao čuă hăng mă bruă ƀơi dêh čar Lao mơng lơ 30/5 truh lơ 1/6, čơtlăm lơ 30/5, Ding kơna Ding jum kơđi čar, Ding kơna git gai Ping gah dêh čar, Khua Grŭp pơphun bruă Ping gah dêh čar yă Trương Thị Mai ba jơlan hlâo Grŭp khua pơ ala Grŭp pơphun bruă Ping gah dêh čar nao čuă hăng mă bruă ƀơi Ƀirô anih jưh pơ ala kơ dêh čar Việt Nam ƀơi dêh čar Lao.

Amăng mông bưp, yă Trương Thị Mai pơsit, khua mua dua bôh dêh čar Việt Nam hăng Lao lăng ba na nao, bư̆ bôr tơlơi rô nao rai pha ra kơplah wah Việt Nam hăng Lao. Pơ ala kơ mơnuih apăn bruă, mơnuih mă bruă amăng Ƀirô anih jưh pơ ala hăng khua pơ ala hơdôm bôh ƀirô dêh čar Việt Nam giăm hăng Ƀirô anih jưh pơ ala kơ dêh čar, Khua anih jưh pơ ala ơi Nguyễn Bá Hùng pơsit amra ngă klă bruă khua gưl dlông Ping gah, Kơnuk kơna jao; hrom hăng khul grŭp mơnuih apăn bruă, mơnuih mă bruă amăng Ƀirô anih jưh pơ ala hăng hơdôm ƀirô giăm Ƀirô anih jưh ngă klă bruă pơtom hiăp, djru pơđĭ tui tơlơi rô nao rai kơplah wah Việt Nam hăng Lao jai hrơi jai pơđĭ kyar, sit nik, yua kơ bôh tŭ yua mơng mơnuih ƀôn sang dua bôh dêh čar Việt Nam hăng Lao./.

Siu H’ Prăk: Pơblang