Mơ-ĭt hơdôm tơlơi hơ-ưč hmưi klă hiam truh mơnuih mă bruă gah ia jrao ƀrô djơ̆ hrơi pioh kơ Ơi ia jrao Việt Nam, ơi Nguyễn Trọng Nghĩa lăi rơđah, phrâo rơgao Ping gah dêh čar ta hăng Khua pơ ala mơnuih ƀôn sang hmâo lu Tơlơi pơtrun pơsit kơ hơđong tơlơi hơdip mơda mơnuih mơnam, bruă ia jrao, bơwih brơi tơlơi suaih pral mơnuih ƀôn sang.

Amăng anun, Tơlơi pơtrun pơsit mrô 8 kơ pơplih phrâo pơđĭ dlông bôh tơhnal hơdră bruă mơnuih mơnam hmâo pioh laih tơlơi lăng ba pha ra pioh kơ bơwih brơi tơlơi suaih pral. Pơplih phrâo tơhnal pơkă mơ̆ng Gong gai lĕ anăp nao tơlơi djơ̆ pran mơ̆ng mơnuih ƀôn sang, ơi Nguyễn Trọng Nghĩa čang rơmang Sang ia jrao bơkơjăp drơi jăn Tâm Anh pơđĭ tui pran jua, ngă tui klă jơlan gah ngă djơ̆ pran jua mơnuih ruă, pel ĕp pơjrao tơlơi ruă hăng anô̆ klă bruă mă tâ̆o hloh, djơ̆ tui tơlơi kiăng mơ̆ng mơnuih ƀôn sang. Ăt amăng tal anai mơn, Grŭp pơtô bruă Ping gah dêh čar ta hmâo nao čuă hăng hơ-ưč hmưi mơnuih apăn bruă, mơnuih mă bruă ia jrao Sang ia jrao Bạch Mai./.