VOV4.Jarai - Mơguah lơ 26/1, ơi Trần Cẩm Tú, Ding kơna Ding jum kơđi čar, Ding kơna git gai Ping gah dêh čar, Khua Jơnum min Pel ĕp bruă Ping gah dêh čar hrom hăng grŭp hyu mă bruă hmâo nao čuă, hơ-ưč hmưi Tết, ƀơk gơnam tam khul pơgang pơgăn klin Covid-19 tơring čar Quảng Bình; čuă pơsur hăng ƀơk gơnam tam Tết kơ hơdôm bôh sang anô̆ gah hơdră bruă, sang anô̆ ƀun rin ƀơi tơring čar. Ơi Trần Cẩm Tú, Khua Jơnum min Pel ĕp bruă Ping gah dêh čar pơsit yôm hơdôm tơlơi gum hơgôp mơng abih bang mơnuih apăn bruă, mơnuih mă bruă ia jrao, ling tơhan khul ling tơhan, hơdôm mơnuih ƀơi anih pơgang pơgăn klin ƀu huĭ tơnap, yak rơgao hơdôm tơlơi tơnap, kơƀah kiăng pơgăn klin. Tal anai, ơi Trần Cẩm Tú hmâo ƀơk laih gơnam Tết kơ khul mă bruă pơgang pơgăn klin Covid-19; ƀơk gơnam tam Tết hơdôm bôh sang anô̆ gah hơdră bruă gum djru, sang anô̆ ƀun rin, mơnuih mă bruă ƀơi să Quảng Đông, tơring glông Quảng Trạch, tơring čar Quảng Bình./.

Siu H’ Prăk: Pơblang