Tal rai čuă sit nik pơ Việt Nam anai mơng Khua khul apăn bruă dêh čar Thụy Sỹ pơdah pran lăng yôm mơng Thụy Sỹ hăng dêh čar Việt Nam. Dêh čar Thụy Sỹ čang rơmang kơtưn tơlơi rô nao rai ngă hrŏm kơplah wah dua boh dêh čar, sit biă ñu amăng bruă bơwih ƀong huă, sĭ mơdrô hăng tơlơi gir run anăp nao kĭ pơkôl ngă hrŏm rơngai kơplah wah Việt nam hăng Khul sĭ mơdrô rơngai kual Mi kô̆ (EFTA).

Anai ăt lĕ hơdôm bruă pơtom hiăp Ƀrô Khua pơ ala mơnuih ƀon sang dêh čar yôm phăn pơbưp nao rai kơplah wah khua mua dua boh dêh čar tơdơi kơ abih klin Covid-19. Amăng hơdôm hrơi rai čuă, tơdơi kơ mông čơkă, Khua khul apăn bruă dêh čar Thụy Sỹ Martin Candinas jơnum bơkơtuai hăng Khua git gai pơ ala mơnuih ƀon sang dêh čar ơi Vương Đình Huệ, nao mă tơngan hăng Khua mir sir ơi Võ Văn Thưởng hăng nao bưp Khua dêh čar ơi Phạm Minh Chính; mă bruă hăng Khua ding jum sĭ mơdrô hăng tuh tia pơkra pơjing Nguyễn Hồng Diên.