VOV4.Jarai - Lơ 12/1, Ding kơna Ding jum kơđi čar, Khua khul apăn bruă Ping gah ơi Võ Văn Thưởng hơmâo nao čuă, brơi gơnam amăng bơyan ƀong Tê̆t djuai ania ta Nhâm Dần kơ sang anŏ hơmâo kơnuk kơna djru, mơnuih hơkrŭ lŏn ia ta ƀơi tơring čar Bắc Kạn. ƀơi tơring glông Chợ Đồn, Ding kơna ding jum kơđi čar, khua apăn bruă Ping gah ơi Võ Văn Thưởng hơmâo nao čuă, brơi gơnam kơ ơi Triệu Văn Vấn - khua nao hlâo amăng tơlơi hơkrŭ, ñu 97 thun laih, dŏ ƀơi plơi Nà Tẳng, să Lương Bằng hăng brơi 200 anung gơnam kơ mơnuih djru hơkrŭ lŏn ia ƀơi tơring glông Chợ Đồn.

Ngă bruă hăng Khul apăn bruă git gai Ping gah tơring čar Bắc Kạn, Ding kơna ding jum kơđi čar, khua apăn bruă ping gah ơi Võ Văn Thưởng lăng yôm biă hơdôm tơlơi dưi ngă mơng tơring čar Bắc Kạn amăng bruă bơwih ƀong, mơnuih mơnam, pơhrŏ trun tơlơi rin rơpa, lăng ba tơlơi hơdip mơnuih ƀon sang ăt kah hăng amăng bruă akŏ pơdong ping gah hrơi blan rơgao, laih dong rơkâo kơ tơring čar Bắc Kạn pơtrut tui hơdôm tơlơi hơmâo tơlơi gêh gal hơđăp amăng bruă pơđĭ kyar bơwih ƀong huă.

Siu H’Mai: Pơblang