Pơsit tong “Tŭ ư hăng 5 tơhnal” mơng ASEAN tŏ tui lĕ  tơlơi akŏ phun kiăng gir run ĕp hơdră pơsir kơđi pơhlôm rơnuk rơnua hăng hơđong. Khua khul pơ ala dêh čar Việt Nam čang rơmang Sang gum hơbit djop dêh čar hăng yă Julie Bishop amra gum hrŏm kjăp, tŭ yua hăng kual ASEAN hăng Khua djru bruă kơ Khua git gai kual ASEAN kơ bruă ƀơi Myanmar hluai tui tơlơi pơkă luă gŭ tơlơi rơngai, ngă pô, hơđong lŏn ia, ƀu tek rơwek nao bruă ƀơi rĭm boh dêh čar, lăp djơ̆ hăng tơlơi pơmĭn hăng čang rơmang mơng mơnuih ƀôn sang dêh čar Myanmar.

Yă Julie Bishop pơsit tong amra gir run abih pran lơm ngă Khua djru bruă kơ Khua čih pioh Sang gum hơbit djop dêh čar pơgôp ba glăi tơlơi rơnuk rơnuk rơnua hăng hơđong brơi Myanmar; lăi pơtong Sang gum hơbit djop dêh čar dong yua tơlơi črâo ba mơng ASEAN amăng bruă anai.