Amăng mông mă bruă, Khua mua tơring čar Khánh Hòa lăi pơthâo hăng grup mă bruă mơng Khul pơphun bruă gơnong glông kơ tơlơi bơwih ƀong huă-mơnuih mơnam, bruă pơjing Ping gah 10 blan thun 2024 hăng sa, dua bruă jao phun pơ anăp anai.

Đĭ pơhiăp amăng mông mă bruă, Khua khul pơphun bruă gơnong glông Lê Minh Hưng rơkâo Khul apăn bruă Ping gah tơring čar Khánh Hòa đing nao git gai ngă tui klă sa, dua bruă jao akŏ phun pơ anăp anai; anăm pơdơi pơplih bruă git gai mơng Ping gah; pơtrut pơplih ngă hră pơ-ar amăng Ping gah; kơtưn git gai mơng Ping gah, sit biă ñu tơlơi git gai mơng Ping gah hăng gong gai, Jơnum min djop djuai ania mơnuih mơnam hăng djop khul grup kơđi čar-mơnuih mơnam; kơtưn git gai mơng Ping gah hăng bruă ĕp pơmut mơnuih apăn bruă; ngă tui tơpă tơlơi gơgrong mơng mơnuih apăn akŏ amăng pơplih ngă hră pơ-ar hăng dưm dăp mơnuih mă bruă hơbot, tŭ yua amăng anih anom, ƀon lan.