VOV4.Jarai - Amăng blan 3/2022, Khua mir sir dêh čar amra git gai Jơnum pơtrut tuh pơ plai amăng tơring glông Củ Chi, Hóc Môn. Anun lĕ tơlơi pơhing hơmâo Anom bruă pơtrut pơsur sĭ mơdrô hăng tuh pơ plai ƀon prong Hồ Chí Minh brơi thâo ƀơi mông jơnum tui tơđar lăi pơhmư̆ tơlơi bơwih ƀong huă - mơnuih mơnam hăng pơgang klin Covid-19 pơphun tlam lơ 7/3. Ƀơi mông jơnum, Khua mir sir ơi Nguyễn Xuân Phúc amra hơmâo tơlơi pơhiăp git gai črâo bruă. Rơngiao kơ anun, Gơnong bruă Dưm dăp čuk pơkra - Kač gru man pơdong hăng Gơnong bruă wai lăng jơlan, pơdŭ pơgiăng ăt pơƀuh mơn kơ hơdră dưm dăp, čuk pơkra jơlan nao rai mơng Củ Chi hăng Hóc Môn. Pô ala mơng hơdôm anom bơwih ƀong ăt pơhiăp tom laih hăng khua mua Jơnum min mơnuih ƀon sang ƀon prong, hơdôm gơnong bruă hăng bruă kĭ pơkôl hơdor lui bruă tuh pơ plai kơplah wah hơdôm gơnong bruă, anom bruă, hơdôm anom bơwih ƀong...Rơngiao kơ mông Jơnum ăt hơmâo mơn jơnum pơdă prưng 55 kơčăo brưa jak iâu tuh pơ plai prăk kăk hăng hơdôm mơta gơnam mơng hmua ngă tui boh thâo phrâo mơng 2 boh tơring glông bơdjơ̆ nao bruă pơkra anih anom, sang dŏ, jơlan nao rai, pơhrup phrâo plơi prong, pơplih bruă măi mok, bruă ngă hmua,...hăng prăk tuh pơ plai him lăng 285.000 klai.

Siu H’Mai: Pơblang