VOV4.Jarai - Lơ 22/2, ƀơi Ƀirô mă bruă, Khua mir sir ơi Nguyễn Xuân Phúc bưp khua mua hăng ƀing rơgơi kơhnâo, ƀing thâo gah bruă bơwih ƀong huă amăng Khul boh thâo bơwih ƀong huă Việt Nam. Hăng gru grua 47 thun akŏ pơjing hăng prong kơtang, Khua mir sir čang rơmang Khul boh thâo bơwih ƀong huă Việt Nam lăi phara, ƀing rơgơi kơhnâo amăng đơ đam dêh čar hnun mơn kiăng kơ ba jơlan hlâo amăng bruă kơsem min kiăng tŏ tui pơsir hĭ hơdôm tơlơi ngă tơnap tap amăng bơwih ƀong huă tơdơi kơ 35 thun pơplih phrâo, mơng anun ngă tŭ yua tơlơi pơtrun  XIII mơng Ping gah hăng tơlơi đăo gơnang pơjing lŏn ia pơdrong asah truh thun 2045. Khul boh thâo bơwih ƀong huă Việt Nam akŏ pơjing thun 1975. Sa amăng hơdôm bruă phun mơng Khul lĕ pơtrut kơtang hơdôm bruă črâo ba, pơsit tong hăng pơgôp hiăp amăng mơnuih mơnam, djơ̆ hăng tơlơi rơkâo amăng bruă git gai ƀơi djop gơnong bruă hăng djop ƀon lan. Sit biă ñu mut hrŏm pok pơhai hơdôm hơdră bruă 5 thun pơ anăp  tui tơlơi pơtrun mơng Jơnum Ping gah tal XIII.

Siu Đoan: Pơblang