VOV4.Jarai-Ƀrô djơ̆ bơyan ƀong tết ngă yang thun phrâo djuai ania thun Nhâm Dần 2022, Khua mir sir ơi Nguyễn Xuân Phúc ba jơlan hlâo grup mă bruă mơ̆ng Ping gah, kơnuk kơna nao ƀơk hăng pơpŭ thun phrâo kơ 55 boh sang anŏ pơ ala kơ hơdôm sang anŏ tơnap tap hơmâo anăn kơnuk kơna djru laih anun mơnuih djơ̆ jrao hret Dioxin ƀơi Đà Nẵng.

Ƀơi anih nao čuă, Khua mir sir ơi Nguyễn Xuân Phúc brơi thâo, ƀrô djơ̆ têt anai, Ding jum kơđi čar, ping gah dêh čar, anom bruă gơnong dlông hơmâo ngă hră pơtrun git gai tañ djop sang bruă gong gai kơnuk kơna, djop anom bruă pơdjơ̆ hrom pơsir lu mơta bruă mă kiăng mơnuih ƀôn sang amăng dêh čar ta čơkă thun phrâo djuai ania mơak klă, rơnuk rơnua, djop mơnuih dưi hơmâo mơnong ƀong huă mơak tết soh.

Tui hăng tơlơi rơkâo mơ̆ng Kơnuk kơna, Khua mir sir ăt kĭ hră pơtrun djru Tết mơ̆ng 300 rơbâo truh 600 rơbâo prăk kơ rĭm sang anŏ kơnuk kơna djru. Hrom hăng anun, ƀôn prong Đà Nẵng ăt jak iâu hăng mă yua hơdôm klai prăk djru kơ sang anŏ ƀun rin.

Nay Jek: Pơblang