Pơhiăp ƀơi mông jơnum, Khua anih jưh pơ ala dêh čar Hàn Quốc ƀơi Việt Nam brơi thâo, Khua mir sir ơi Nguyễn Xuân Phúc jing tuai mơ̆ng kơnuk kơna blung a mơ̆ng gong gai kơnuk kơna khua mir sir dêh čar Hàn Quốc ơi Yoon Seuk-yoel mơ̆ng anun brơi ƀuh dêh čar Hàn Quốc lăng yôm biă mă tơlơi ngă giăng mah hăng Việt Nam.

Gah dêh čar Hàn Quốc čang rơmang tal nao čuă anai mơ̆ng khua mir sir pơ anăp anai, amra pok brơi lu tơlơi gêh găl amăng bruă gum hrom dua bơnah dêh čar, boh nik ñu amăng bruă ngă hrom ĕp kông ngăn amăng lŏn tơnah hăng kĭ pơkôl hơdôm pok hră yôm pơkŏn. Khua mir sir ơi Nguyễn Xuân Phúc brơi thâo, tal bưp anai amra kơtưn ngă hrom, lir hơbit kiăng thâo hluh nao rai tơdruă, mông gêh găl pioh kơ khua mir sir ăt kah hăng khua mua mơ̆ng Việt Nam thâo hluh dơlăm hloh, tơlơi kiăng, anŏ čang rơmang mơ̆ng mơnuih ƀôn sang Hàn Quốc dŏ ƀơi Việt Nam.