VOV4.Jarai - Amăng jơlan hơdră nao pơhmư̆ bruă Jơnum  pơtrut tuh pơplai amăng hơdôm bôh tơring glông Củ Chi hăng Hóc Môn, ƀôn prong Hồ Chí Minh, mơguah lơ 12/4, Khua mir sir dêh čar ta ơi Nguyễn Xuân Phúc hmâo nao čuă Kual ngă đang hmua tui hơdră phrâo ƀôn prong Hồ Chí Minh.

Khua mir sir dêh čar ta nao čuă kual đang hmua ngă tui hơdră phrâo ƀôn prong Hồ Chí Minh

Tơdơi kơ nao čuă hơdôm hơdră pơkă, Khua mir sir dêh čar ta ơi Nguyễn Xuân Phúc pơsit yôm Kual hmâo gir run ba glăi bôh tơhnal klă amăng bruă mă, ngă tui bruă mă mơng pô ƀu djơ̆ kơnong kơ pơđĭ kyar bruă đang hmua tui hơdră phrâo mơng ƀôn prong Hồ Chí Minh ôh mơ̆ ñu dô̆ jing bruă pơtrut pơđĭ kyar bruă đang hmua kual Ngŏ Dơnung dêh čar hăng kual Dơnung yŭ dêh čar. Khua mir sir dêh čar ta brơi thâo, kual đang hmua ngă tui hơdră phrâo ƀôn prong Hồ Chí Minh lĕ sa amăng 10 kual mă yua bôh thâo phrâo đơ đam dêh čar ta anun hmâo tơhnal lăng pơđĭ kyar ataih hloh, hmâo nao hlâo amăng bruă tơjŭ pla, akan hơdang, juăt tui pơplih ayuh hyiăng, bruă đang hmua ƀôn prong. Kual hmâo mă yua bôh thâo phrâo amăng rông hơdang hăng lu bruă bơwih ƀong huă ngă đang hmua; djru klă bruă pơdjuai pơjing anom bơwih ƀong pơphun bruă mă, pơtô glăi bôh thâo phrâo./.

Siu H’ Prăk: Pơblang