VOV4.Jarai - Anăp nao hơdor glăi 74 thun Hrơi Khua mir sir Hồ Chí Minh ba tơbiă tơlơi iâu pơthưr bơkơtưn khăp kơ lŏn ia, 60 thun Hrơi gru grua Khul tơhan polih mơnuih ƀôn sang, mơmot lơ 5/6, djơ̆ Hrơi hơdor glăi 111 thun Wa Hồ hyu ĕp jơlan tlaih rơngai lŏn ia, ƀơi Anom bôh thâo mơnuih mă bruă giăng mah Việt Xô (Hà Nội), Ding jum kông ang pơphun Jơlan hơdră bơkơtuai bôh thâo adôh suang, pơpŭ Khua kông ang să mơbruă “Hơdip amăng pran jua mơnuih ƀôn sang".

Nao pơhmư̆ hăng pơhiăp črâo ba amăng mông ngă lơphet, Khua mir sir dêh čar ta ơi Nguyễn Xuân Phúc pơsit yôm Ping gah kông ang dêh čar, Ding jum kông ang hmâo ngă klă laih Tơlơi pơtrun pơsit mơng Ding jum kơđi čar kơ pơplih phrâo dong, dưm dăp glông bruă Ding jum kông ang rơguăt, mă bruă ba glăi bôh than, tŭ yua; hăng Tơlơi pơtrun pơsit mrô 42 mơng Kơnuk kơna pơkă kơ bruă pơdŏng kông ang să, tơring kual pơkă. Kiăo tui anun, khul Kông ang mơnuih ƀôn sang dưi pơphun, mă bruă tui 4 gưl, hăng jơlan gah ding jum gơgrong, tơring čar kơtang, tơring glông abih bang, să lăng tui plơi pla, amăng anun hmâo ngă giong bruă pơpha bruă Kông ang tui phiăn pơkă gơgrong bruă djơ̆ anăn Kông ang să amăng đơ đam dêh čar./.

Siu H’ Prăk: Pơblang