Anai jing tal nao čuă dêh čar Áo blung a mơ̆ng Khua mir sir Việt Nam amăng 15 thun laih rơgao, laih anun anai lĕ bruă bơkơtuai Khua apăn akŏ dêh čar blung a kơplah wah Việt Nam hăng Italy laih anun Vatican amăng 7 thun rơgao, ăt jing tơlơi yôm hloh ƀrô ngă lơphet 50 thun akŏ pơdong tơlơi rô nao rai hăng 10 thun ngă hrŏm yôm kơplah wah Việt Nam hăng Italy.

Tlam lơ 23/7, tui mông dêh čar anai, tơdơi kơ nao pơ plơi prong jưh jom Vienna, Khua mir sir ơi Võ Văn Thưởng hơmâo bưp Khua anih jưh pơ ala Việt Nam ƀơi Áo, hăng 6 čô khua anih jưh Việt Nam ƀơi hơdôm boh dêh čar EU hơmâo hrŏm guai hăng dêh čar Áo anun lĕ: Đức, Bỉ, Séc, Thụy Sỹ, Hungari hăng Slovakia. Anai jing bruă blung a amăng jơlan hơdră nao čuă sit nik dêh čar Áo mơ̆ng Khua mir sir. Tŏ tui, Khua mir sir ơi Võ Văn Thưởng tŭ jum ơi Alfred Gerstl, Khua khul ngă giăng mah Áo - Việt Nam hăng ƀing gơyut dêh čar Áo.